وسط التطورات الحاليه في المنطقه وخصوصا لدول الخليج. والبحث عن دول اخري توفر قدرا اكبر من الحمايه بعد ان فقدت #امريكا اي مصداقيه في تماهيها مع الافعال الاسرائيليه والمشاركه والتعاون حتي ضد دول الخليج..واتفاقيات جديده للدفاع العسكري المشترك ...باكستان مع السعوديه .....الامارات مع الهند ...السؤال هل #مصر محتاجه الان الي الدخول في اتفاقيات عسكريه مشتركه من هذه النوعيه ؟ في الحقيقه مصر دولة كبيرة، عندها جيش ضخم مصنف ضمن الأقوى عالميًا، ومعتمد على (الاكتفاء الذاتي والاستقلاليه في قراره العسكري). ده معناه إن مصر مش في حاجة فعلية لاتفاقية "دفاع مشترك" بمعنى إن وجودها أو أمنها يظل مرهون بدولة تانية، لأن ده بيقلل من حرية القرار الوطني. وده كان دايمًا مبدأ مصري: الجيش المصري يحمي مصر وحده. اللي مصر بتحتاجه أكتر فعلًا هو: 1. شراكات اقتصادية قوية لأن الاقتصاد هو العمود الفقري لأي قوة عسكرية أو سياسية. 2. تنويع مصادر السلاح والتكنولوجيا وده مصر بتعمله فعلًا، ما بتعتمدش على طرف واحد. بالاضافه توطين الصناعات بمختلف فروعها و انواعها . ولا ننسي اشتراك الجيش المصري في فعاليات ومناورات عسكريه مع كافه دول العالم شرقا وغربا ... ودي نقطه يجب ان نلاحظها لانها بتوضح استراتيجيه مصر و رؤيتها في التعامل بتوازن و عدم الانجرار لاي احلاف او تجمعات خارج التجمعات العربيه والاسلاميه التاريخيه الجماعيه. 3. تعاون أمني واستخباراتي إقليمي ودولي لمكافحة الإرهاب وحماية حدودها. 4. توازن سياسي مع كل القوى العالمية والإقليمية، من غير ما تتحول لعامل تابع لحد. 5.السياسه المصريه بوجه عام هي سياسه سلام و توازن مع كافه دول العالم . ولا تعادي احدا الا من يقترب من أمنها القومي . هنا فقط يظهر الوجه الاخر من الردع المصري . علي اي حال .. استقلال القرار السياسي المصري هو أهم ما يميز حكم اي حاكم لهذه الدوله ( مصر) وبالتاريخ وده عامل حاسم في قرارات هامه مثل هذه القرارات.... مصر لوحدها أمه ولها رأي وقرار و دور مهما كانت في اضعف حالتها سياسيا و اقتصاديا . 6.استقلال القرار السياسي المصري يعتمد اولا علي وجود شعب مصري داعم لبلده و جيشه ووعيه بالتحديات و الاخطار ...وثانيا علي جيش قوي شريف و متزن من ابناء هذا الشعب .يحمي مصر وترابها ولا يعتدي علي الغير . بالتالي، مصر مش محتاجة "مظلة عسكرية" من بره، لكنها محتاجة "شركاء" يساهموا في قوتها الاقتصادية، وده بدوره ينعكس على قدراتها العسكرية. #مصر #الشعب_المصري #الجيش_المصري